June 26, 2006

kategorya sa mga laki

daghan nang laki niagi sa akong kinabuhi apan wala bisan usa nagpabilin nga ako. kay, in the first place, naa bay na ako?

lately, na-realize nako nga lahi lahi ang akong gibati sa nagkalainlain nako nga mga laki. para sayon na lang unya sa pag-catalog sa akong mga laki kung moabot ang panahon nga maglista ko kung unsa akong mga gibati kanila, nakahimo ko aning mga kategorya kung asa nako sila puede ibutang:
1. ang mga wala lang. katong mga forgettable. katong mga dili nako ganahan tagdon or murag wala ko kabantay nga naa ra diay sa akong palibot bisan pa og unsa ilang pagkaibog nako.
2. ang mga bubble men. mga laki nga sama sa bubbles. ganahan ko motan-aw og bubbles. pero kung mobuto na, mawala ra pud sya sa ako. sama pud ni sila sa bubble gum. yummy pero mahutdan ra og katam-is after a while so iluwa og ilabay na lang.
3. ang mga kilig killers. kini ang mga crush crushan. kung makit-an mura na kog maglutaw sa hangin. kung smilan lang kog gamay, bugto na akong panty.
4. ang mga friendships. mga laki nga kutob ra sa istorya. mga ka sharing sharing about drama in life. incest ang dating kung naay something nga bation or mahitabo.
5. ang mga gidamgo. kini ang mga laki nga gi-seryoso. makapahilak sa gagmay nga butang. makapalipay sa gagmay nga butang. kadaghan ni nahitabo nako.
6. ang THIZ IZ IT! kini ang laki nga nakapahunahuna nako og tarong sa akong direksyon sa kinabuhi. kini ang laki nga nakapamunimuni nako nga ganahan na ko mo-settle down. kini ang laki nga gusto ko makauban sa akong pag-rampa ngadto sa katigulangon.

mao na sila ang kategorya so far. og leche nang number 6! niabot na sa wala nako damha! naguba akong state of mind and heart karon. hahay!

ganahan na ko mo-settle down. apan wa ko kahibalo if ganahan pud siya nako. buhey!

No comments: